साझा डायरी ।
अर्घाखाँची जिल्लाको सितगंगा नगरपालिका वडा नं. १३ सिमलपानी छेडा बजारमा सिमलपानी सिर्जनशील युवा क्लवद्धारा प्रथम खुल्ला अन्तर वडा स्तरिय भलिवल प्रतियोगिता आयोजना गरिएको छ । यहि कार्तिक ४ गते सुरु हुने प्रतियोगिता को तयारी अन्तिम अवस्थामा पुगेको उक्त खेल संयोजक गंगन रेश्मी ले बताएका छन्।खुल्ला वडा स्तरिय भलिवल प्रतियोगितामा नेपालभरिका वडा स्तरिय टिम र प्रत्येक वडाबाट एक भन्दा बढी टिम सहभागी हुनसकिने क्लबका सचिब सचिन वि.सीले साझा डायरी अनलाइनलाई जानकारी दिएका छन् ।
आफ्नो वडा भित्र रहेको विभिन्न संस्था क्लब , समुह तथा खेल प्रेमी लाइ लक्षित गरि नेपालको राष्ट्रिय खेल भलिबल को विकास विस्तार एवंम नया प्रतिभावान खेलाडिहरु उत्पादन तथा पहिचान गर्ने उदश्यले सिमलपानी सिर्जनशिल युवा क्लब द्वारा खुल्ला अन्तर वडा स्तरिय भलिबल प्रतियोगिता आयोजना गरिएको क्लबका अध्यक्ष खिम बहादुर वि .सीले बताएका छन् ।
प्रतियोगिता मा बिजेता हुनेलाई र सान्तवना हुने टीमलाइ क्रमश : रु. २५०००, रु १५००० , रु १०००० र रु ५००० नगद का साथै उत्कृष्ट खेलाडि , उत्कृष्ट सेटर र उत्कृष्ट लिब्रो लाइ उचित पुरस्कारको व्यवस्था गरिएको छ ।टिम दर्ता को लागि २०८०।०७।०३ गते राती ९ः०० बजे सम्म खिम बहादुर वि.सी को Esewa Number ९८२१५१८५०० मा सम्पर्क गरि भुक्तानी गर्नु पर्ने छ भन्दै क्लब को कोषाध्यक्ष प्रभाकर वि.सी ले सबैलाई जानकारी गराएका छन् ।
