साझा डायरी, कपिलवस्तु ।
कपिलवस्तुमा करेन्ट लागेर एक जनाको मृत्यु भएको छ ।
जिल्लाको शिवराज नगरपालिका १ शिवपुर बनकसबासामा रुखमा चढेर घाँस काट्ने क्रममा आइतबार बिहान ज्यान गएको हो । मृत्यु हुनेमा अन्दाजी ५० वर्षका धन बहादुर थापा (काले) रहेका छन् ।
उनले विगत केही समय देखि स्थानीयहरूलाई घाँस दाउरा दिएर खाने बस्ने गरेका थिए । बिहान पानी परिरहेकोले रुखमा चढेको समय करेन्ट लगेको बताइएको छ । उनको घटना स्थलमै मृत्यु भएको हो । थापाको शवलाई पोष्टमार्टको लागि जिल्ला अस्पताल तौलिहवा लगिएको वडा प्रहरी कार्यालय चन्द्रौटाले जनाएको छ ।
