कपिलवस्तु, ०५ साउन । नेपाली कांग्रेस निकट पत्रकारहरुको संस्था नेपाल प्रेस युनियन कपिलवस्तुको सभापतिमा पत्रकार खग प्रसाद चापागाइ निर्वाचित भएका छन् । शुक्रबार भएको १२ औं साधारणसभा तथा ७ औं जिल्ला अधिबेशनबाट चपागाइको सभापतित्वमा आगामी कार्यकालका लागि नयाँ कार्यसमिति चयन भएको हो ।
नव गठित समितिको उप सभापति खुला तर्फ गणेश पोख्रेल र महिला तर्फ आशा अर्याल चयन भएका छन् भने समितिको सचिवमा कृष्ण गैरे , सह सचिवमा शुस्मा गुरागाई र पुजा गुप्ता र कोषाध्यक्ष वृजेश जयसवाल चयन भएका छन् । यसबाहेक नेपाल प्रेस युनियन कपिलवस्तुको नयाँ कार्यसमितिको सदस्यमा त्रमशः सम्भु सैनी, भानु मरासिनी, विनय चौवे, दुर्गा अर्याल लगाएत रहेका छन् ।
यसैबिच नेपाल प्रेस युनियन कपिलवस्तु शाखाको १२ औं साधारणसभा तथा ७ औं जिल्ला अधिबेशनको अवसरमा स्वर्गीय गिरिजा प्रसाद स्मृती पत्रकारिता पुरस्कारबाट चार जना पत्रकार पुरस्कृत भएका छन् । शाखाका संस्थापक उपसभापति लक्ष्मण पन्थि, शाखा उपसभापति किरणमान बज्राचार्यलाई सम्मान गरिएको छ भने स्वर्गीय प्रमोदराज शर्मा स्मृति पुरस्कारबाट रमेश मिश्र र अनिल मालीलाई पुरस्कार प्रदान गरिएको नेपाल प्रेस युनियनका नव निर्वाचित शाखा अध्यक्ष चपागाइले जानकारी दिएका छन् ।
