आज तपाईंका लागि कस्तो दिन रहला ? पढ्नुहोस् राशिफल

राहुकाल : दिउँसो २ बजेर ३१ मिनेटदेखि ३ बजेर ५३ मिनेटसम्म राहुकाल रहनेछ ।
यस समयमा कुनै पनि शुभ कार्य नगर्नुहोस् ।

ब्रह्म मुहूर्त : बिहान ४ बजेर ४० मिनेटदेखि ५ बजेर २८ मिनेटसम्म ब्रह्म मुहूर्त रहनेछ ।
ध्यान, पूजा तथा अध्ययनका लागि शुभ समय हो ।

आजको राशिफल

मेष (चू, चे, चो, ला, लि, लू, ले, लो, अ)
बिहानको समय मध्यम रहनेछ । अनावश्यक खर्च बढ्ने सम्भावना छ । न्यून पारिश्रमिकमा समय बित्न सक्ने हुँदा अन्य काममा समय दिन गाह्रो हुनेछ । माया–प्रेममा सामान्य मनमुटाव आउन सक्छ । मध्यान्हपछि समय अनुकूल बन्नेछ । नयाँ अवसर प्राप्त हुनेछन् र आफन्तहरू खुसी हुनेछन् । सुन्दर वस्त्र, मनपर्ने भोजन तथा विशेष उपहार प्राप्त हुने योग छ ।

वृष (ई, ऊ, ए, ओ, वा, वी, वू, वे, वो)
समय शुभ रहनेछ । आम्दानी बढ्ने र खर्च कम हुने सम्भावना छ । स्वास्थ्य सामग्री र खाद्यान्न व्यापारमा वृद्धि हुनेछ । एनजिओ वा आईएनजिओमा काम वा बढुवा पाउने सम्भावना छ । अध्ययन वा कामका लागि लामो दूरीको यात्रा हुन सक्छ । प्रेममा रमाउन चाहनेहरूका लागि पनि अनुकूल समय छ ।

मिथुन (का, की, कू, घ, ङ, छ, के, को, हा)
पैतृक सम्पत्ति र स्रोत साधनको सदुपयोगबाट आम्दानी बढ्नेछ । परिवारका इच्छाहरू पूरा गर्न सकिनेछ । बैंक तथा वित्तीय व्यवसायबाट लाभ हुनेछ । माया–प्रेम सबल बन्नेछ र पति–पत्नीबीच सहयोग बढ्नेछ । राजनीति वा समाजसेवामा भेटघाट कम गर्नु राम्रो रहनेछ ।

कर्कट (ही, हू, हे, हो, डा, डी, डु, डे, डो)
व्यापार, उद्योग वा शेयर बजारमा लगानीबाट फाइदा हुनेछ । विवादित विषय समाधान हुनेछ । नयाँ काम पाउने तथा पदोन्नतिको योग छ । सामाजिक प्रतिष्ठा बढ्नेछ । अध्ययनमा मन जानेछ र प्रेम सम्बन्ध मजबुत हुनेछ ।

सिंह (मा, मी, मू, मे, मो, टा, टी, टू, टे)
बिहान स्वास्थ्य समस्या आउन सक्छ । सुरु गरेका काम पूरा गर्न कठिनाइ हुनेछ । सहयोगीभन्दा आश्वासन दिनेहरू धेरै भेटिनेछन् । मध्यान्हपछि समय राम्रो हुनेछ । आफन्त र अग्रजको सहयोगले राम्रा नतिजा आउनेछन् । नयाँ काम वा स्थानान्तरणको योग छ । कृषि र पशुपालनमा लाभ हुनेछ ।

कन्या (टो, पा, पी, पू, ष, ण, ठ, पे, पो)
नसोचेको धन लाभ हुनेछ । आफन्त र अग्रजबाट सहयोग प्राप्त हुनेछ । लामो समयदेखि रोकिएको काम पूरा हुनेछ । अध्ययनका लागि विदेश यात्रा सम्भव छ । धार्मिक स्थल भ्रमणको अवसर मिल्नेछ । शेयर बजार वा वित्तीय कारोबारमा नाफा हुनेछ ।

तुला (रा, री, रु, रे, रो, ता, ती, तू, ते)
प्रियजनसँगको भेटघाटले दिन रमाइलो हुनेछ । प्रेममा नजिकपन बढ्नेछ । व्यापार, उद्योग र लगानीमा लाभ हुनेछ । आफ्नै मेहनतले जीवनशैलीमा सुधार आउनेछ । न्यायिक विषयहरूमा फैसला तपाईंको पक्षमा हुनेछ ।

वृश्चिक (तो, ना, नी, नू, ने, नो, या, यी, यू)
सन्तानको प्रगति देखेर मन प्रफुल्ल हुनेछ । पढाइमा राम्रो नतिजा आउनेछ । प्रतिस्पर्धामा अग्र स्थानमा रहन सकिनेछ । पुराना स्वास्थ्य समस्या सुधार हुनेछन् । ऋणबाट मुक्ति पाउने सम्भावना छ । प्रेम र दाम्पत्य सम्बन्ध बलियो बन्नेछ । अफिसियल यात्राको अवसर पनि मिल्नेछ ।

धनु (ये, यो, भा, भी, भू, ध, फा, ढा, भे)
बिहान सामान्य स्वास्थ्य समस्या हुन सक्छ । प्रतिस्पर्धीको अवरोधले फाइदा टर्न सक्छ । मध्यान्हपछि व्यापारमा लगानी बढाउँदा लाभ हुनेछ । पढाइमा प्रतिस्पर्धीलाई पछि पार्न सकिनेछ । मनपर्ने वस्तु वा उपहार प्राप्त हुनेछ ।

मकर (भो, जा, जी, जू, जे, जो, ख, खी, खू, खे, खो, गा, गी)
समय अनुकूल छ । कृषि र पशुपालन व्यवसायमा सुधार हुनेछ । घरजग्गा कारोबारमा आम्दानी बढ्नेछ । आमा वा अग्रजहरूको सहयोगले काम सफल हुनेछन् । छोटो दूरीको धार्मिक यात्रा सम्भावना छ । विश्राम र मनोरञ्जनका लागि पनि समय मिल्नेछ ।

कुम्भ (गू, गे, गो, सा, सी, सू, से, सो, दा)
न्यायिक निर्णय तपाईंको पक्षमा हुनेछ । पढाइमा राम्रो प्रगति हुनेछ । खेलकुद वा पराक्रमी कार्यबाट नाम र दाम कमाउन सकिनेछ । प्रेम सम्बन्ध बलियो बन्नेछ । जीवनसाथीको सहयोगले सफलता पाइनेछ । व्यापार र उद्योगमा लगानी लाभदायी हुनेछ ।

मीन (दी, दू, थ, झ, ञ, दे, दो, चा, ची)
व्यापार र शेयर बजारमा आम्दानी बढ्नेछ । सापटी लिएको धन फिर्ता हुने सम्भावना छ । अध्ययनमा मन जानेछ र राम्रो नतिजा आउनेछ । गीत–संगीत वा मोडलिङ क्षेत्रमा लागेकाहरूका लागि समय फलदायी रहनेछ । परिवारसँग रमाइलो र मिष्ठान्न भोजनको अवसर मिल्नेछ ।

तपाईंको दिन शुभ रहोस् ।