आज यी ठाउँमा वर्षा हुने सम्भावना, मौसम पूर्वानुमान यस्तो छ

काठमाडौँ ।

हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको पहाडी भूभागमा आंशिक बदली रहेको छ भने बाँकी भूभागमा मौसम मुख्यतया सफा रहेको छ ।

आज दिउँसो कोशी प्रदेश र गण्डकी प्रदेशको पहाडी भूभागमा आंशिक बदली रहनेछ, भने अन्य भूभागमा मौसम सफै रहनेछ । कोशी प्रदेशको पहाडी क्षेत्रमा एक–दुई स्थानमा हल्का वर्षाको सम्भावना रहेको पनि महाशाखाले जनाएको छ ।

आज राति पनि कोशी प्रदेश र सुदूरपश्चिम प्रदेशको पहाडी भूभागमा आंशिक बदली रहनेछ, बाँकी भूभाग भने मुख्यतया सफा रहने मौसम पूर्वानुमान गरिएको छ ।