कपिलवस्तु । कपिलवस्तु जिल्लाको शिवराज नगरपालिका–१ स्थित भाइरल डाँडामा पूर्व–पश्चिम राजमार्गमा भएको सवारी दुर्घटनामा एक जनाको मृत्यु भएको छ भने एक जना घाइते भएका छन्।
पूर्वबाट पश्चिमतर्फ जाँदै गरेको लु २ ख २१४२ नम्बरको बस ९अर्घाखाँचीबाट दिल्ली जाँदै गरेको० र विपरीत दिशाबाट आएको रा ७ प ३४८ नम्बरको मोटरसाइकल एकआपसमा ठोक्किँदा दुर्घटना भएको हो।
दुर्घटनामा परी दाङको राप्ती गाउँपालिका–४ मौरिघाटका करिब २७ वर्षीय मोटरसाइकल चालक लिलाराम कुँवरको मृत्यु भएको प्रहरीले जनाएको छ।
सोही मोटरसाइकलमा पछाडि सवार सोहि ठाउँ निवासी २९ वर्षीय खुसीराम चौधरीको टाउकोमा चोट लागेका छन्। उनको अवस्था मध्यम रहेको र थप उपचारका लागि संजीवनी सामुदायिक अस्पताल, चन्द्रौटामा पठाइएको छ।
घटनामा संलग्न मोटरसाइकल र बस दुवै प्रहरीको नियन्त्रणमा रहेका वडा प्रहरी कार्यालय चन्द्रौटाका प्रहरी निरीक्षक सुजन शाहले बताए ।
