मुगुमा एकै परिवारका चारजनाको शव फेला

मुगु ।

मुगुमा एकै परिवारको चारजनाको शव भेटिएको छ । छायाँनाथ रारा नगरपालिका(६ मन्दु बस्ने २८ वर्षीया श्रीदेवी बोहोरा, उनकै छोराहरू ११ वर्षीय मनोज बोहोरा, १ वर्षीय रहर बोहोरा र उनकै छोरी ७ वर्षीया अप्सरा बोहोरा आफ्नै घरमा शुक्रबार बिहान मृत अवस्थामा भेटिएका छन् ।

घाँटी रेटी हत्या गरेको अवस्थामा उनीहरुको शव भेटिएको भन्ने खबर प्राप्त हुनासाथ जिल्ला प्रहरी कार्यालय मुगु, कर्णाली प्रदेश प्रहरी कार्यालय सुर्खेतबाट कुकुरसहित खटिएको प्रहरी टोलीले घटनाका सम्बन्धमा आवश्यक अनुसन्धान गरिरहेको छ ।