साझा डायरी,कपिलवस्तु ।
अनेरास्ववियु समयथान बहुमुखी क्याम्पस कमिटीले हाजिरीजवाफ प्रतियोगिता तथा दशै तिहारको शुभकामना आदन प्रदान कार्यक्रम सम्पन्न गरेको छ। अनेरास्ववियुका कपिलवस्तु जिल्ला सचिव निसान खड्काको प्रमुख आतिथ्यता र नेकपा(एमाले) शिवराज नगर कमिटि उपाध्यक्ष महादेव पोख्रेलको विशिष्ट आतिथ्यतामा उक्त कार्यक्रम भएको हो ।
उक्त हाजिरीजवाफ प्रतियोगितामा राकेश बराई,सरिता शर्मा ,मनोज चौधरी ,अफ्रिद अलि प्रथम, सुनिता चौधरी,निशा यादव,विपिन कुमार चाई, सुग्रिम गिरी द्वितीय, सन्दिप भुषाल ,सन्तराज चुदाली,अन्जु चौधरी,रविना चौधरी तृतीय भएका छन् । त्यस्तै रामजित बुढई,जगदिश रैदाश,सिकन्दर कोरी,उर्मिला कुर्मीले सान्तत्वना स्थान प्राप्त गरेका छन् । कार्यक्रममा बोल्दै अनेरास्ववियुका जिल्ला सचिव निसान खड्काले अनेरास्ववियु शैक्षिक आन्दोलनको एक अगुवा संगठन भएको बताउँदै अनेरास्ववियु सधैँ विद्यार्थीको हक हितका निम्ति विभिन्न खालका रचनात्मक कार्यक्रमहरु गर्दै आएको बताए । अनेरास्ववियुले अहिले देशभर विभिन्न खालका शैक्षिक कार्यक्रम गर्दै आएको जानकारी गराए ।
कार्यक्रममा बोल्दै शिवराज नगर कमिटि उपाध्यक्ष महादेव पोख्रेलले पछिल्लो समय अनेरास्ववियु कपिलवस्तु जिल्ला कमिटिले विद्यार्थीका क्षमता विकाससँगै रचनातमक शैक्षिक कार्यक्रमहरु गदै आएको बताए ।उक्त कार्यक्रममा अनेरास्ववियु निवर्तमान केन्द्रिय सदस्य अजय चौधरि, समयथान बहुमुखि क्याम्पसका सहायक क्याम्पस प्रमुख ,स्ववियु सभापतिलगायतले बोलेका थिए । अनेरास्ववियु समयथान बहुमुखी क्याम्पस कमिटि अध्यक्ष अजय चौधरिको अध्यक्षयता र सचिवको सञ्चालनमा कार्यक्रम भएको थियो ।
