साझा डायरी, बाणगंगा ।
कपिलवस्तुको बाणगंगा ८ लौगाईमा अवस्थित बाणगंगा मा.बि लौगाईले कक्षा १२ उत्तीर्ण बिद्यार्थीहरुलाई बधाई तथा सम्मान कार्यक्रम सम्पन्न गरेको छ ।
आज एक बिशेष कार्यक्रमको आयोजन गर्दै क्याम्पसले हालै प्रकाशित कक्षा १२ नतिजामा उत्तिर्ण सम्पुर्ण बिद्यार्थीहरुलाई बधाई तथा सम्मान गरेको हो । कार्यक्रममा प्रमुख अतिथीको आसनबाट बोल्दै बाणगंगा ८ का वडा अध्यक्ष बाबुराम अर्यालले बिगतका बर्षहरुमा जस्तै यसबर्ष पनि बिद्यालयले राम्रो नतिजा ल्याउन सफल भएकोमा बधाई तथा शुभकामना दिनुभएको थियो । यस्तै अर्यालले यस क्षेत्रमा सदैब उत्कृष्ट नतिजा ल्याई आफ्नो स्थापित गरिमा कायम गरेको बिद्यालयले आगामी दिनमा उक्त गरिमालाई कायमै राख्ने बिश्वास ब्यक्त गर्नुभयो ।
यस्तै कार्यक्रमका अध्यक्ष एवम् बिद्यालयका प्रचार्य कुलराज पौडेलले कक्षा १२ उत्तीर्ण सम्पुर्ण बिद्यार्थीहरुलाई बधाई तथा शैक्षिक सफलताको शुभकामना ब्यक्त गर्दै बाणगंगा माबिले सदैब गुणस्तरिय शिक्षा प्रदान गरेको र कक्षा १२ पछि पनि अधिकांश बिद्यार्थीहरुको रोजाई बाणगंगा माबि लौगाई नै हुनेमा आफु बिश्वस्त रहेको बताउनुभयो ।
कार्यक्रम बिद्यालयका प्रचार्य कुलराज पौडेलको अध्यक्षता, वडा नम्बर ८ का वडाध्यक्ष बाबुराम अर्यालको प्रमुख आतिथ्यता, क्याम्पस सन्चालक समिती अध्यक्ष काशीराम बेल्बासे,समाजसेवी तथा निवर्तमान सन्चालक समिती अध्यक्ष हिमलाल पौडेल,क्याम्पस प्रमुख डि.बि रेश्मी लगाएतको बिशिष्ट आतिथ्यता, बिद्यालयका कर्मचारी, बिद्यार्थीहरुको आतिथ्यतामा सम्पन्न भएको हो । कार्यक्रमको सहजीकरण शिक्षक तारा प्रसाद पौडेलले गर्नुभएको थियो ।
