कांग्रेसमा ७ लाख सदस्य थप्ने कार्ययोजना पेश

ललितपुर ३ असार । नेपाली कांग्रेसले थप ७ लाख नयाँ सदस्य थप्ने लक्ष्य लिएको छ । मङ्गलबार बसेको केन्द्रीय समिति बैठकमा प्रस्ताव पेश गर्दै महामन्त्री गगन थापाले यसबारे जानकारी दिए ।थापाकाअनुसार २०८० साउन २० देखि २०८१ असार ३१ सम्म सदस्य थप्नका लागि अभियान चलाइनेछ । “कम्तीमा ५ लाखदेखि ७ लाख नयाँ सदस्य बनाउने उद्देश्यले यो अभियान प्रारम्भ गरिनेछ,” महामन्त्री थापाले भने ।१४ औं महाधिवेशनको समयमा कांग्रेसमा ८ लाख ६६ हजारभन्दा बढी क्रियाशील सदस्य थिए।