कपिलवस्तु ।लोक तथा दोहोरी गायकहरू सुनिता बुढा, योगराज पोखरेल र दिपक पोखरेलको ‘दशैं आयो’ बोलको नँया गीत सार्वजनिक भएको छ ।

शिव पौडेलको शब्द रचना तथा योगराज पोखरेलको संगीत रहेको गीत आइतवार योगराज पोखरेल अफिसियल युटुभमा सार्वजनिक गरिएको हो ।

उक्त गीतमा सुनिता बुढा, योगराज पोखरेल र दिपक पोखरेलको स्वर रहेको छ । विदेशमा रहेर विभिन्न कारणले घर आउन नसकेका नेपाली कामदारहरु र उनीहरुका परिवारको पीडालाई यो गीतमा समेटिएको छ साथै नेपालीहरुले दशैं मनाउने शैली, परम्परा लगायतका रमाइलोसँग-सँगै आर्थिक, सामाजिक र पारिवारिक विषयलाई समेत समेटिएको छ ।

प्रिज्म रेकडिङ्ग स्टुडियोमा तयार पारिएको उक्त गीतको संगीत संयोजन महेन्द्र भण्डारीले गरेका छन् । गीतलाइ विजय पोखरेलले निर्देशन गरेका छन् ।कपिलवस्तु र रुपन्देहीका विभिन्न भागमा माधव पौडेलले छायांकन गरेको उक्त गितमा मुख्य अभिनयमा अशिम क्षेत्री र श्रद्धा काफ्लेलाई देख्न सकिन्छ ।