साझा डायरी ।
पाल्पा भ्यान दुर्घटना हुँदा ५ जना घाइते भएका छन् । आज विहान करिव ५ बजे पाल्पा रम्भा गाउँपालिका वडा नं। ४ रानिबन रिगेरा घुम्ति स्थित आर्यभन्ज्याङ( रामपुर भित्री पक्कि सडक खण्डमा बिरकोटबाट रमईडाँडा तर्फ आउँदै गरेको लु १ ज ३९८३ नम्बरको भ्यान दुर्घटना भएको प्रहरीले जनाएको छ ।
चालक पाल्पा रम्भा ४ रमईडाँडाका २३ वर्षीय कृष्ण सारु, सोही ठाउकै २७ वर्षीय नरेन्द्र दर्लामी, २२ वर्षीय दिल बहादुर कुवर मगर, १९ वर्षीय मोहनसिंह दर्लामी र १८ वर्षीय सुरेश सारु रहेको जिल्ला प्रहरी कार्यालय पाल्पाका प्रवक्ता प्रहरी निरीक्षक सन्तोष चन्दले जानकारी दिए । घाइते मध्य चालक सारुको अवस्था मध्यम र अन्यको अवस्था सामान्य रहेको छ । उनीहरूलाई उपचारका लागि युनाईटेड मिशन अस्पताल पाल्पा पठाइएको प्रवक्ता चन्दले बताए ।भ्यान बाटोबाट करिब २०० मिटर तल खसेको थियो हिजो साझ नै पाल्पाको रानीमहल सडक खण्ड अन्तर्गत बैकुन्ठ पहाडमा जीप दुर्घटनामा हुँदा ६ जनाको मृत्यु भएको थिए भने एक जना गम्भीर घाइते भएका छन् ।
