काठमाडौं, ०५ साउन । त्रिभुवन अन्तर्राष्ट्रिय विमानस्थलबाट करिब एक सय किलो सुन बरामद प्रकरणबारे विस्तृत अध्ययन गर्न राजस्व अनुसन्धान विभागले छुट्टै समिति गठन गरेको छ ।
सुनबारे विस्तृत अनुसन्धान गर्न राजस्वले अनुसन्धान अधिकृत तोकेको विभागका महानिर्देशक नवराज ढुंगानाले बताएका छन्। उनका अनुसार राजस्व र प्रसाशनका निर्देशकहरुसहितको चार सदस्यीय अनुसन्धान अधिकृत तोकिएको हो ।
समितिले सुन तस्करी प्रकरणबारे विस्तृत अनुसन्धान गर्नेछ। यस प्रकरणमा हालसम्म १० जना पक्राउ परिसकेका छन्। तीमध्ये ६ जनालाई १० दिन थुनामा राखेर अनुसन्धान गर्न उच्च अदालत पाटनले अनुमति दिइसकेको छ।
