समाजवादीका जिल्ला अध्यक्ष पाण्डेको हृदयघातवाट मृत्यू

तानसेन २३ असार । नेकपा एकीकृत समाजवादी पाल्पाका जिल्ला अध्यक्ष खिमानन्द पाण्डे (कमल) को निधन भएको छ । शुक्रबार बेलुकी बगनासकाली(१, स्थित आफ्नै घरमा हृदयघात भएर उपचारका लागि लुम्विनी मेडिकल कलेज प्रभासमा लैजाने क्रममा उहाँको निधन भएको पारिवारिक स्रोतले जनाएको छ ।पाण्डेयको शब हाल लुम्विनी मेडिकल कलेज प्रभासमा रहेको छ । ५२ वर्षका पाण्डेको छोरा र श्रीमती रहनुभएको छ । स्वच्छ छवी र नरम स्वभावका पाण्डेको निधनले पार्टीलाई ठूलो क्षति पुगेको समाजवादीका नेताहरूले बताएका छन् ।