मतदाता नामावली दर्ताका लागि जाँदा र फर्किंदा पठाओ राइडमा ५० रुपैयाँ छुट

काठमाडौँ ।

मतदाता नामावली दर्ताका लागि निर्वाचन कार्यालय जाँदा र फर्किंदा राइड शेयरिङ एप “पठाओ” प्रयोग गर्नेले छुट पाउने भएका छन् । मतदाता नामावलीमा नाम दर्ता गर्ने नागरिकलाई लक्षित गर्दै कम्पनीले काठमाडौँ उपत्यकाभित्र ५० रुपैयाँ छुटको व्यवस्था गरेको हो ।

काठमाडौँ, ललितपुर र भक्तपुर जिल्लाको निर्वाचन कार्यालयसम्म जान र आउन पठाओ एप प्रयोग गर्दा छुट दिइने कम्पनीले जनाएको छ । छुट पाउनका लागि राइड बुक गर्ने समयमा एपमा निर्वाचन कार्यालयको नाम राख्नुपर्नेछ ।

एपमा जिल्ला निर्वाचन कार्यालय, मिनभवन नयाँ बानेश्वर, जिल्ला निर्वाचन कार्यालय सल्लाघारी र जिल्ला निर्वाचन कार्यालय जावलाखेल राख्नुपर्नेछ ।